ಮಾನವ

ಸೈನಿಕ

ದೇಶದ ಗಡಿ ಕಾಯುವ ಸೈನಿಕ
ಮನೆಯಿಂದ ದೂರವಿದ್ದು ಮಾನಸಿಕ
ಹಿಂಸೆಯ ಅನುಭವಿಸುವೆ ದೈನಿಕ
ನಿನ್ನ ಸಂಚಾರ ವೈಮಾನಿಕ
ರಕ್ಷಿಸುವೆ ನಮ್ಮನ್ನು ಕೊನೆ ತನಕ
ಊರಿಂದ ಬಂದರೆ ಒಂದು ಕಾಗದದ ತುಣುಕ
ಹೇಳಲಾಗದು ನಿನ್ನ ಮನದ ತವಕ
ಯುದ್ಧಭೀತಿಯೆಂಬ ಕಷ್ಟಗಳು ಅನೇಕ
ಆದರು ಅವುಗಳ ನಡುವೆಯೂ ನೀನು ಭಾವುಕ
ನಿನ್ನ ಭಾವುಕತೆ ಎಂದೂ ಆಗದು ಅತಿರೇಕ
ಏಕೆಂದರೆ ನೀನೊಬ್ಬ ಗಡಿ ಕಾಯುವ ಸೈನಿಕ ...

ಕನಸು

ಜೀವನದ ಆಸೆಗಳ ಕನಸು
ಅದಾಗಬೇಕಾದರೆ ನನಸು
ನಿನ್ನ ಕಲ್ಪನೆಯ ಹಾಡನ್ನು ಗುನುಗುನಿಸು
ಗುನುಗುನಿಸುತ ನಿನ್ನ ಜೀವನ ಸವೆಸು
ತೋರದಿರು ಎಂದೂ ನೀ ಹುಸಿ ಮುನಿಸು
ಆ ಮುನಿಸಿಗೆ ಜಾಗ ಕೊಡದಿರಲಿ ನಿನ್ನ ಮನಸು
ಮನಸಿನಾಳದ ಪ್ರೀತಿಯ ವ್ಯಕ್ತಪಡಿಸು
ವ್ಯಕ್ತಪಡಿಸಿದ ವ್ಯಕ್ತಿಯ ಪ್ರೀತಿಸು
ಪ್ರೀತಿಸಿದ ವ್ಯಕ್ತಿಯ ತಪ್ಪನ್ನು ಮನ್ನಿಸು
ಮನ್ನಣೆಗೆ ಸಿಕ್ಕ ಪ್ರೀತಿಯ ಅರಸು
ನೀ ಅರಸಿ ಹೋರಾಟ ದಾರಿ ಸುಖವಾಗಿರಲೆಂದು ಹಾರೈಸು
ಇದೇ ನನ್ನ ಕನಸು
ಅದಾಗಲಿ ಬೃಹತ್ ನನಸು
ಅದರ ಚಂದ ಸವಿಯಲು ಬಲು ಸೊಗಸು....

ಜೀವನ....

ಮನುಷ್ಯ ಮನುಷ್ಯನ ಜೀವನ
ಎರಡು ದೋಣಿಗಳ ಮೇಲಿನ ಪಯಣ
ಪಯಣದಲ್ಲಿ ಆಗದಿರಲಿ ಎಂದೂ ಅನುಭವದ ಒಂಟಿತನ
ಏಕೆಂದರೆ ನಿನ್ನ ಪಯಣ ಒಂದು ಸುಧೀರ್ಘ ಗಾಯನ
ಗಾಯನಕ್ಕೆ ಆದರೆ ಬಿರುಗಾಳಿಯ ಆಗಮನ
ಜೀವನ ಪಯಣ ಬಿರುಗಾಳಿಗೆ ಸಿಕ್ಕ ತರಗೆಲೆಯ ಸಂಚಲನ
ಮೇಲೊಬ್ಬ ಗಮನಿಸುತ್ತಿದ್ದಾನೆ ನಮ್ಮೆಲ್ಲರ ಚಲನ ವಲನ
ಸೃಷ್ಟಿಯ ಜೀವಿಗಳನ್ನೆಲ್ಲ ಕಾಣುತ್ತಿದ್ದಾನೆ ಒಂದೇ ಸಮಾನ
ಮನುಷ್ಯ ಸಂಬಂಧಗಳ ವ್ಯವಸ್ಥಿತ ನಿರೂಪಣಾ
ಶೈಲಿಗೆ ಮಾದಬೇಕು ಎಲ್ಲರೂ ಕರತಾಡನ
ಒಂದೇ ಒಂದು ಬಾರಿ ಮಾಡು ಸೃಷ್ಟಿಯ ಅವಲೋಕನ
ಮಾಡುವೆ ನೀ ಅವನಿಗೆ ಮೆಚ್ಚುಗೆಯ ಸನ್ಮಾನ
ನಿರೀಕ್ಷಿಸನು ಎಂದೂ ಪ್ರತಿಫಲದ ಬಹುಮಾನ
ಏನುಂಟು ಅವನಿಗೆ ಸಾಟಿಯಾಗುವ ಉಪಮಾನ...

ಕವಿಶ್ರೇಷ್ಠ ಕುವೆಂಪು

ರಾಷ್ಟ್ರಕವಿ ಕುವೆಂಪು
ನಿಮ್ಮ ಕವಿತೆ ಬಲು ಇಂಪು
ಅದು ನೀಡುತ್ತದೆ ಮೈಮನಗಳಿಗೆ ತಂಪು
ವಿಶ್ವದೆಲ್ಲೆಡೆ ಹರಡಿದೆ ಅವುಗಳ ಕಂಪು
ಅತೀ ಹೆಚ್ಚು ಪ್ರಶಸ್ತಿ ಪಡೆದ ಕವಿಶ್ರೇಷ್ಠ
ನಿಮ್ಮ ಕವಿತೆಯ ಭಾವ ಬಲು ವಿಶಿಷ್ಟ
ಆ ವೈಶಿಷ್ಟ್ಯತೆಯೇ ನಿಮ್ಮನ್ನು ಮಾಡಿದೆ ಕವಿಗಳಲ್ಲೆಲ್ಲ ಸರ್ವಶ್ರೇಷ್ಠ
ಹೆಸರೇನೋ ಕುಪ್ಪಳ್ಳಿ ವೆಂಕಟಪ್ಪನ ಮಗ ಪುಟ್ಟಪ್ಪ
ಆದರೆ ನಿನ್ನ ಕೀರ್ತಿ ಪುಟ್ಟದೇನಪ್ಪ
ನಿಮ್ಮ ಪದಗಳ ಜೋಡಣೆ , ಕವಿತೆಯ ಭಾವಕ್ಕೆ
ನಿಮಗೆ ನೀವೇ ಸಾಟಿ
ಆ ಕವಿತೆಗೆ ಶಾರದೆಯು ದನಿಗೂಡಿಸುವಳು ವೀಣೆಯ ಮೀಟಿ
ನಿಮ್ಮ ಜ್ಞಾನ ಭಂಡಾರಕ್ಕೆ ಯಾರುಂಟು ನಿಮಗೆ ಸಾಟಿ........